«Шілде айының басында бірнеше өңірде қуаңшылық болады» - Қазгидромет

Қазгидромет бірнеше өңірде шілде айының басында құрғақшылық болады деп болжап отыр, деп хабарлайды ҚазАқпарат.

«Қызылорда облысының Жалағаш, Арал, Шиелі, Қазалы және Қармақшы аудандарында, Маңғыстау облысының Бейнеу және Маңғыстау аудандарында, Атырау облысында Махамбет, Жылыой, Құрманғазы және Балықшы аудандарында 2022 жылғы шілде айының бірінші онкүндігінде атмосфералық құрғақшылық күтілуде», - делінген Қазгидрометтің хабарламасында.

Сондай-ақ, Қазгидромет Ақтөбе облысының Әйтеке би, Қызылорда облысының Қармақшы және Қазалы аудандарында жауын-шашын аз жауатындығын болжаған еді.