Жаңалықтар 29.06.2022 сағат 16:40

Елбасы мәртебесін алып тастау туралы заң қашан қабылданатыны белгілі болды

Мәжіліс спикері Ерлан Қошановтың айтуынша, заң осы жылдың соңына дейін қабылданады.
Елбасы мәртебесін алып тастау туралы заң қашан қабылданатыны белгілі болды
Фото: ашық дереккөз
Бөлісу
Бөлісу
Бөлісу

Елбасы мәртебесін алып тастауды көздейтін заң осы жылдың соңына дейін қабылданады. Бұл туралы мәжіліс спикері Ерлан Қошанов мәлімдеді, деп хабарлайды Sputnik Қазақстан.

Мәжіліс кулуарында журналистер спикерден тұңғыш президент Нұрсұлтан Назарбаевтың мәртебесіне қатысты референдумда мақұлданған түзетулер қашан қабылданатынын сұрады.

«Біз күзде қарастыруға кірісеміз. Жыл соңына дейін қабылдауымыз керек. Президент біздің алдымызға осындай міндет қойды», — деді Қошанов.

Айтуынша, әділет министрлігінде конституциялық және басқа да заңдарға өзгерістер енгізу бойынша жұмыс тобы құрылған. Мәселе осы жұмыс тобы аясында қаралады. Заң жобалары әзірге мәжіліске түспеген.

Еске салсақ, 5 маусымда Қазақстанда конституциялық түзетулер бойынша бүкілхалықтық референдум өткен болатын. Еліміздің негізгі заңынан «Тұңғыш президент туралы» заңды жою арқылы тұңғыш президент Нұрсұлтан Назарбаевтың мәртебесі туралы ережелер алынып тасталады.

Сондай-ақ қабылданған түзетулерге сәйкес Конституцияның 42-бабынан тұңғыш президентке мемлекет басшысы лауазымына қатарынан екі реттен артық сайлану құқығын беретін ереже алынып тасталады. Ал 46-баптан тұңғыш президенттің мәртебесі мен өкілеттігі Конституциямен және тиісті Конституциялық заңмен айқындалатыны туралы тармақ алынып тасталады.

Өз кезегінде 91-баптан тәуелсіз Қазақстанның негізін қалаушы ретінде тұңғыш президент туралы тұжырымды және оның Елбасы (ұлт көшбасшысы) мәртебесі алынады.15:14

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар