$ 449.58  486.94  4.86

Алматы түбіндегі «Алтын-Орда» базары аумағында өрт шықты

Өрт 200 шаршы метр аумақты шарпыды. Құрылыстың жалпы ауданы – 400 шаршы метр.

"Алтын-Орда" базары аумағында дәмхана өртенді, деп хабарлады Алматы облыстық төтенше жағдайлар департаментінің баспасөз қызметі.

Облыстық ТЖД мәліметінше, 2 шілде күні сағат 13:19-да кезекші бөлімнің пультіне Алматы облысының Қарасай ауданында Алматы-Бішкек автожолының бойында, "Алтын орда" базарының аумағында орналасқан "Жеті құрдас" базарында үш ғимараттың өртенгені туралы хабарлама келіп түсті. Самса дайындау үй-жайының шатыры, ломбард ғимаратының шатыры және екі қабатты дәмхананың шатыры өртенді.

Өрт 200 шаршы метр аумақты шарпыды. Құрылыстың жалпы ауданы – 400 шаршы метр.

Өртті сөндіруге Алматы облысының ТЖД, аудандық полиция бөлімінің қызметкерлері мен техникасы жұмылдырылды. Сағат 14:14-те өрт сөндірілді. Қаза болғандар мен зардап шеккендер жоқ.
Өрттің себебін анықтау үшін оқиға орнына ТЖД өрт сынақ зертханасы жіберілді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары