Қытайдан Қазақстанға 27 миллион теңгенің тауарын заңсыз экспорттамақ болды, деп хабарлады Қазақстан Республикасы Қаржы министрлігінің (ҚМ) Мемлекеттік кірістер комитетінен.
«14 маусымда «Қалжат» кеден бекетінде жалпы құны 27 млн теңге болатын автобөлшектер, аккумуляторлар, дәнекерлеу аппараты мен шаруашылық тауарларын Қазақстанға бір ЖШС кедендік төлемдер мен салықты төлемей әкелуге тырысты», - деп хабарлады ҚР Қаржы министрлігінің Мемлекеттік кірістер комитеті.
Тіркемесі бар КамАЗ маркалы автокөлік құралын инспекциялық тексеру кешенін қолдану арқылы сканерлеу нәтижелері бойынша құжаттарда мәлімделген тауарлар мен көлік құралындағы заттар арасында айырмашылықтар анықталды.
Кедендік тексеріп қарау нәтижелері бойынша жалпы салмағы 20 тонна декларацияланбаған тауар анықталды, оларға 5,5 млн теңге сомасында кедендік төлем мен салық салынды.
Импорттаушы ҚР «Әкімшілік құқық бұзушылық туралы» кодексінің 551-бабына сәйкес әкімшілік жауапкершілікке тартылғаны хабарланды.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
info.skifnews@gmail.com
