Жаңалықтар 02.07.2022 сағат 22:20

Домбыра күніне орай бір мезетте 500 бала күй тартты

Ескелді ауданында домбыра үйірмесіне мыңнан астам бала қатысады екен.
Домбыра күніне орай бір мезетте 500 бала күй тартты
Фото: ҚазАқпарат
Бөлісу
Бөлісу
Бөлісу

Жетісу облысының Қарабұлақ ауылында домбыра күніне орай 500 бала күй тартып, жерлестерін тәнті етті, деп хабарлайды ҚазАқпарат тілшісі.

Ескелді ауданындағы елді мекендерден жиналған оқушылар орталық алаңда қазақтың киелі аспабымен күйді күмбірлетті. Жалпы, ауданда мыңнан астам бала домбыра үйірмелеріне қатысады. Мерекелік шарада кәсіби күйшілер домбыраның шығу тарихын, аспап туралы түрлі аңыздарды әңгімеледі.

«Өзім қазіргі уақытта сегіз күй білемін. Бұйыртса жақында «Адай» күйін үйренемін. Домбыраны шерткенде өзімді еркін сезінемін. Мысалы, көңіл күйім жоқ кезде домбыра шертсем, өзімді сондай жақсы сезініп қаламын», - дейді Алина Қанат.

Ауыл тұрғындарының көңілін елең еткізген шара барысында ұлттық тағам мен ұлттық бұйымдар көрмесі де ұйымдастырылды. Сондай-ақ, балалар асық ойнап, аға буын аудан өнерпаздарының концерттік бағдарламасын тамашалады. Зиялы қауым өкілдері ақын Бақтыбай Жолбарысұлының ескерткішіне гүл шоқтарын қойып, рухына тағзым етті.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар