$ 442.85  480.32  4.94

Еліміз арқылы Ауғанстаннан Нидерландқа өтетін есірткі тасымалдау арнасы анықталды

Қылмыстық топ Таяу Шығыс пен Азия азаматтарынан тұрады.
Фото: ашық дереккөзден
Фото: ашық дереккөзден

Ұлттық қауіпсіздік комитеті ірі халықаралық есірткі синдикатының заңсыз әрекетінің жолын кесуге бағытталған көп сатылы халықаралық операцияны ұйымдастырды, деп хабарлады комитеттің баспасөз қызметі.

«Бұл қылмыстық топ Таяу Шығыс пен Азия азаматтарынан тұрды. Есірткі контрабандасы арнасының бағдары Ауғанстаннан бастау алып, одан әрі Қазақстан аумағы арқылы жүрген, ақырғы баратын жері Нидерланд болған»,- дейді ҰҚК-ден.

Осы топ әрекетінің ауқымды географиясын ескере отырып, ҰҚК Нидерланд Корольдігінің құқық қорғау органдарымен өзара іс-қимыл ұйымдастырған.

«Операцияның табысты іске асырылуына Орталық Азия өңірлік есірткіге қарсы күрес жөніндегі ақпараттық-үйлестіру орталығы мен Қазақстан Республикасы Бас прокуратурасының қарқынды түрде жәрдем көрсетуі ықпал етті. Бірлескен жедел іс-шаралар нәтижесінде халықаралық есірткі синдикатының басты қатысушылары анықталды. Нидерланд аумағында бақыланатын жеткізу барысында курьер ұсталып, одан Ауғанстанда өндірілген 30 килограмм героин тәркіленді»,- деп жазылған хабарламада.

Амстердам қаласының құқық қорғау органдары тінту барысында ірі есірткі плантациясын анықтаған.

ҰҚК-ның дерегіне сүйенсек, жеткізілетін елде алынған есірткі құралдарының құны - 2 млн АҚШ доллары.

Анықталған фактілер бойынша Нидерланд құқық қорғау органдары сотқа дейінгі тергеу жүргізуде.​

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары