$ 448.15  483.46  4.86

Қостанайда баланы жұлқылап, орындықтан құлатқан тәрбиеші жұмыстан қуылды

Сонымен қатар, балабақша меңгерушісі де тәртіптік  жауапқа тартылды
Фото: ашық дереккөз
Фото: ашық дереккөз

Қостанайдағы нөмірі 61-ші балабақша қызметкерлері тәртіптік жауапқа тартылды. Баланы жұлқып орындықтан құлатқан тәрбиеші жұмыстан қуылды, деп хабарлайды  «Астана» арнасы. 

Қалалық білім бөлімі осылай деп хабарлады. Оқиғаның қалай болғаны бейнебақылау камерасына жазылып қалған. Бейнежазбадан балалардың стол басында отырғанын, сәлден соң бөлмеге тәрбиеші кіріп, бос орынға жайғасқанын көруге болады. Онан кейін ол өзіне қол созым жердегі баланың орындығын жұлқи тартып қалады. Бала жерге құлайды. Кейін белгілі  болғандай, баланың құлағанда бұғанасы сынған. Алайда полиция бұл оқиғаға байланысты іс қозғамай отыр дейді бүлдіршіннің анасы.

"Тәрбиеші бірнеше рет кешірім сұрады. Бірақ баланы не үшін жұлқығанын түсіндіре алмады. Біз дереу полицияға жүгіндік. Арыз жаздық. Бірақ  қылмыстық іс қозғалмайтыны жөнінде жауап келді", – дейді баланың анасы Дана Мағауина.

Қалалық білім бөлімінің басшылары балабақша қызметкерлеріне қатысты тиісті шара қолданылғанын хабарлады. Сондай-ақ басқа бөбекжай  меңгерушілері  мен  қызметкерлер арасында түсіндіру жұмыстары жүргізілді дейді. 

"Балабақша қызметкерлеріне қатысты тиісті шаралар қолданылды. Шілденің бесінен бастап тәрбиеші жұмыстан қуылды. Сонымен қатар балабақша меңгерушісі де тәртіптік  жауапқа тартылды", – дейді қалалық білім бөлімі басшысының орынбасары Бибі Қарыбаева.

Еске салсақ, Қостанайда №61 балабақшаның тәрбиешісі отырған үш жасар баланың орындығын тартып қалып, бүлдіршіннің сүйегі сынған.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары