Қазақстанның бірінші нөмірлі теннисшісі Елена Рыбакина Уимблдон турнирінің финалына шықты, - деп хабарлайды Vesti.kz.
Ол «Үлкен Дулыға» сериясындағы турнирдің жекелей сынында финалға шыққан алғашқы қазақстандық теннисші атанды.
Жартылай финалда WTA рейтингінде 23-орында тұрған Рыбакина 18-орындағы румыниялық Симона Халеппен кездесті.
37 минутқа созылған бірінші сетте Рыбакина 6:3 есебімен жеңді. Бұл сетте қазақстандық теннисші бір брейк жасады. Екінші сетте де Елена 6:3 есебімен жеңді. Осылайша Рыбакина финалға шықты.
Енді Уимблдон турнирінің финалында отандасымыз әлемнің екінші нөмірлі теннисшісі Онс Жабермен кездеседі. Өз кезегінде тунистік теннисші жартылай финалда Татьяна Марияны 6:2, 3:6, 6:1 есебімен жеңді.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
info.skifnews@gmail.com
