Жаңалықтар 20.07.2022 сағат 15:40

Қайрат Құдайберген депутаттық мандатынан айырылды

20 шілдеде Алматыда қалалық мәслихаттың кезектен тыс сессиясы өтіп, онда түскен өтініштерге сәйкес 11 депутатты алмастыру (ротация) жүргізілген.
Қайрат Құдайберген депутаттық мандатынан айырылды
Фото: ашық дереккөзден
Бөлісу
Бөлісу
Бөлісу

Алматыда мәслихат депутаттарының құрамы өзгерді, деп хабарлайды қала әкімдігінің баспасөз қызметі.

20 шілдеде Алматыда қалалық мәслихаттың кезектен тыс сессиясы өтіп, онда түскен өтініштерге сәйкес 11 депутатты алмастыру (ротация) жүргізілген.

"Алмастыру мандаттарды қайта бөлу және берілген өтініштерге сәйкес М.А. Әділхановты, Л.Е. Ибрагимованы, Е.З. Талбидиновты, Қ.Қ. Сәрсенбайды, А.А. Жүдебаевты, М.М. Зулеевті, Р.Ч. Бөлекбаеваны, Ә. Құрманбекті партиялық резервке қосу есебінен болды. Сондай-ақ, партиялар тарапынан өз құрамынан келесі мүшелер шығарылды: Қ.Қ. Құдайберген Amanat партиясынан, А.Б. Абылқасымова "Қазақстан Халық" партиясынан және А.Т. Шапенов "Қазақстан Халық" партиясынан (өз қалауы бойынша)", - делінген хабарламада.

Еске салсақ, сәуірдің 21-нен 22-не қараған түні белгілі кәсіпкер, Алматы қаласы мәслихатының депутаты Қайрат Құдайберген қамауға алынды. Оған қаңтарда жаппай тәртіпсіздікті ұйымдастырды және қатысты деген айып тағылды.

Сол уақыттан бері қалалық мәслихат депутатын қамауда ұстау мерзімі бірнеше рет ұзартылды. Соңғы рет сот қаулысымен Қайрат Құдайбергенді 21 шілдеге дейін қамауда ұстау бұлтартпау шарасы санкцияланды.

 

Мына депутаттарға жаңа мандаттар берілген:

Матыжанов Кенжехан Ісләмжанұлы - М.Әуезов атындағы Әдебиет және өнер институтының директоры, филология ғылымдарының докторы, Amanat партиясының мүшесі.

Тайтөлеев Төлеуғали Мұхамеджанұлы - Алматы энергетика және электрондық технологиялар колледжінің директоры, Алматы қаласы Қоғамдық кеңесінің мүшесі, Amanat партиясының мүшесі.

Жандай Сана Шайханқызы - ADANAZ ЖШС директоры, Amanat партиясының мүшесі.

Жұмабаев Бақытбек Әшімұлы - "Жан-М" ЖШС бас директоры, Қазақстанның көгалдағы хоккей Федерациясының вице-президенті, Amanat партиясының мүшесі.

Қарағұлов Ерұлан Серікұлы - "Алматы сервистік қызмет көрсету колледжі" КМҚК директоры, Amanat партиясының мүшесі.

Котенев Артур Эдуардович - AlmatyEngineering ЖШС директоры, Amanat партиясының мүшесі.

Шамова Арайлым Мәтжанқызы - "№201 мектеп-гимназия" КММ директоры, Amanat партиясының мүшесі.

Ерлан Диана Ерланқызы - Алматы қаласы Қоғамдық кеңесінің, Отбасы, әйелдер істері және балалардың құқықтарын қорғау жөніндегі Республикалық кеңестің мүшесі, Amanat партиясының мүшесі.

Рамазан Бекбол Батыржанұлы - Л.Б. Гончаров атындағы Қазақ автомобиль жол академиясының проректоры, Алматы қаласы Қоғамдық кеңесінің мүшесі, Amanat партиясының мүшесі.

Сұлтанғалиев Тамерлан Мэлсұлы - "Қазақстан Халық партиясы" Алматы қалалық филиалының төрағасы, "Қазақстан Халық партиясы" партиясының мүшесі.

Мұхамедғалиев Талғат Аблайұлы - "Тұтынушылар мен кәсіпкерлердің құқықтарын қорғау одағы" РҚБ Алматы филиалының басшысы, "Қазақстан Халық партиясы" партиясының мүшесі.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар