$ 448.15  483.46  4.86

Жүргізуші мас болған: Қостанай облысында жол апатынан фельдшер көз жұмды

Арқалық – Торғай автожолында жедел жәрдем көлігі мен жеңіл көлік соқтығысты.
Фото: ашық дереккөзден
Фото: ашық дереккөзден

Қостанай облысында Арқалық – Торғай автожолында жедел жәрдем көлігі мен жеңіл көлік соқтығысты. Салдарынан бір адам қаза болды, деп хабарлайды өңірлік полиция департаментінің баспасөз қызметі.

Жол апаты сейсенбі, 19 шілде 22.30-да болды. Дала жолымен келе жатқан Chevrolet Niva жүргізушісі маневрдің қауіпсіздігіне көз жеткізбей, қосалқы жолдан басты жолға шыға бергенде Жангелді аудандық орталық ауруханасының санитарлық арнайы автокөлігі – УАЗ-бен соқтығысқан.

Салдарынан соңғы көлікте отырған фельдшер ажал құшты. Әйел алған жарақатынан ауруханада жан тапсырды. Санитарлық автокөліктің жүргізушісі жарақат алды.

Сараптама нәтижесінде Chevrolet Niva көлігінің 32 жастағы жүргізушісі мас болғаны анықталды. Полиция Қылмыстық кодекстің 345-1 бабы 3-тармағы "Адам өліміне әкеп соққан, жүргізушінің мас күйде жол ережелерін бұзуы" бойынша сотқа дейінгі тергеу бастады. Кінәлі адам жеті жылға дейін бас бостандығынан айырылуы мүмкін.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары