$ 448.89 € 477.93 ₽ 4.76
Ақмола облысы Бестөбе кенішінде заңсыз қазба жұмыстарымен айналысқан тағы бір кеншінің денесі табылды, деп хабарлайды Stan.kz ақпарат агенттігі.
Шахтадан үш кенші табылған. Олардың бірінен тіршілік белгілері байқалмапты. Ал қалған екеуі тірі. Бірінің жағдайы ауыр.
Үш кенші барлаушылардың күнделікті тексеруі кезінде "Западная" шахтасының "магистральының" жанынан 610 метр тереңдікте табылды.
“Заңсыз кеншілікпен айналысқан ер адамдар жер бетіне шығарылды, дәрігерлер мен полиция шақырылды. Барлық тұлғалар анықталды. Қаза тапқандар мен жараланғандар Ақмола облысы Заводской ауылының тұрғындары, үшіншісі Ақмола облысы Новый Қарабұлақ ауылының тұрғыны”, – деп хабарлады шахтаға иелік ететін "Алтыналмас" серіктестігінің баспасөз қызметі.
Олардың ешқайсысы Бестөбе кенішінің жұмысшысы емес. Үшеуі де осыған дейін күзетілетін объектілерге заңсыз кіргені үшін бірнеше рет қылмыстық жауапкершілікке тартылған.
Ұсталған азамат барлығының алтын кенін заңсыз өндірумен айналысатынын мойындады. Оның айтуынша, оның сыбайластарын тас басып қалған. Біреуі сол жерде қайтыс болған, екіншісі ауыр жарақат алған (сынықтар, көгерген).
Марқұмның артында кәмелетке толмаған екі баласы қалды.
Еске салсақ, 22 шілдеде Бестөбе кенішінде заңсыз кен өндірген ер адамның мәйіті табылған болатын.
