Жаңалықтар 28.07.2022 сағат 10:40

Иракта наразылық білдірушілер парламентке басып кірді

Парламент ғимараты Бағдадтың әйгілі қатаң күзетілетін «жасыл аймақта» орналасқан. Полицейлердің көзден жас ағызатын газ бен су атқыш қолданғанына қарамастан, қауіпсіздік қызметкерлері садристік топты тоқтата алмады.
Иракта наразылық білдірушілер парламентке басып кірді
Фото: ашық дереккөз
Бөлісу
Бөлісу
Бөлісу

Сәрсенбі күні шииттер жетекшісі Муктада ас-Садрдың жүздеген жақтастары Бағдат қаласында қатаң күзетілетін «жасыл аймаққа» кіріп, парламент ғимаратын басып алды, деп хабарлайды ҚазАқпарат ВВС агенттігіне сілтеме жасап.

Ас-Садр Муктаданың жақтастары Иранның қолшоқпары деп санайтын қарсыласы Мұхаммед ас-Суданиді елдің премьер-министрі етіп тағайындау жоспарына наразылық білдіріп отыр. 27 шілдеде Ирак өзінің антирекордын жаңартып, 290 күн толыққанды үкімет болмады. Алдыңғы рекорд - 289 күн, ол 2010 жылы болған.

Ас-Садр басқаратын садристік қозғалыс тоғыз ай бұрын, өткен жылдың қазан айында өткен сайлауда салыстырмалы басым дауысқа ие болған, бірақ жаңа министрлер кабинетін құру жөніндегі келіссөз бүкіл шиит және күрд топтарының ымыраға келе алмауы себебімен әлі де билікке келе алмады.

Парламент ғимараты Бағдадтың әйгілі қатаң күзетілетін «жасыл аймақта» орналасқан. Полицейлердің көзден жас ағызатын газ бен су атқыш қолданғанына қарамастан, қауіпсіздік қызметкерлері садристік топты тоқтата алмады. Бұл кезде парламент ғимаратында бірде-бір депутат болған жоқ.

Сайлаудан кейін ауыстырылуын тоғыз ай бойы күткен премьер-министрдің міндетін атқарушы Мұстафа әл-Қадими наразылық білдірушілерді ғимараттан кетуге шақырды, бірақ садристер оны тыңдамай, шу шығарып, жалау желбіретуді, ән айтуды жалғастырды. Елде толыққанды үкіметтің болмауы Иракты биыл бекітілген бюджетсіз, ал инфрақұрылымдық жобалар мен реформаларын қаржыландырусыз қалдырды.

Муктада ас-Садрдың жақтастары 2016 жылғы тәртіпсіздік кезінде де парламентке кіріп үлгерген. 2019 жылы Иракта көпшіліктің сыбайлас жемқорлық, жұмыссыздық пен кедейлікке қарсы наразылық білдіруі кезінде әлдеқайда ауыр тәртіпсіздік болып, жүздеген адам қайтыс болды.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар