Жаңалықтар 01.08.2022 сағат 15:00

«Мықты артист екен»: Түркияда айғайлап ән салған Бекболат Тілеухан сынға қалды (ВИДЕО)

Видеодан Бекболат Тілеуханның домбырамен ән салып отырғанын байқауға болады.
Бөлісу
Бөлісу
Бөлісу

Қаңтар айынан бері Түркияда тұрып жатқан Мәжілістің экс-депутаты Бекболат Тілеуханның Анадолы елінде ән салып отырған видеосы тарады, деп хабарлайды Экспресс К.

Видеодан Бекболат Тілеуханның домбырамен ән салып отырғанын байқауға болады. Бірақ оның бұл әрекеті желі қолданушыларына ұнаған жоқ. Көбісі, соңғы кездері ұлттық спорт түрлерінен мемлекеттік жаттықтырушы болған Рамазан Сәттібаевтың айыптауларын айтқан. Яғни ол бұған дейін Бекболат Тілеухан қауымдастықты басқарып тұрғанда осы ұйымға бөлінген 1 миллиард теңгеге жуық қаржыны Қайрат Сатыбалды алған деген болатын.

"Жынын шақырып отыр", "Миллиард қайда деп сұрай салыңдаршы", "Түркия — қазақтардың қашып баратын екінші отаны болды ғой", "Негізі мықты артист екен", "Ұялмай ән шырқап жүр", "Танымаймыз, танығымыз да келмейді", — деген сарындағы пікірлер көп.

Бекболат Тілеухан Мәжілістен ресми түрде 2021 жылдың 29 желтоқсанында кеткен. Одан кейін Бүкіләлемдік этноспорт конфедерациясының (WEC) орынбасары қызметін атқаратынын айтқан. Бұл ұйымның штаб-пәтері Түркияның Ыстамбұл қаласында орналасқан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар