Жаңалықтар 10.08.2022 сағат 15:40

Ұзынағаштағы атыс: күдіктілерге іздеу жарияланды

Алматы облысының полициясы осы адамдар туралы ақпараты барларға мына телефондар бойынша хабарлауын сұрайды: +7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 немесе 102.
Ұзынағаштағы атыс: күдіктілерге іздеу жарияланды
Фото: ашық дереккөз
Бөлісу
Бөлісу
Бөлісу

Алматы облысы Ұзынағаш ауылындағы жас жігіттің өліміне қатысы бар деген күдіктілерге сот санкциясымен іздеу жарияланды, - деп хабарлайды Tengrinews.kz тілшісі Polisia.kz сайтына сілтеме жасап.

Алматы облысы Полиция департаменті мына адамдарға іздеу салады:

  • Қозыбаев Ғани Мұратұлы - 31 жаста, ҚР Қылмыстық кодексінің 99-бабы 2-бөлігі 1,7,9-тармақтары (Адам өлтіру) және 293-бабы 3-бөлігі 2-тармағы (Бұзақылық) бойынша аса ауыр қылмыс жасады деген күдік бойынша;
  • Асқар Жәнібекұлы Тыныштықов - 30 жаста, ҚР Қылмыстық кодексінің 24-бабы 3-бөлігі (Қылмысқа дайындалу және қылмысқа оқталу) және 99-бабы 2-бөлігі 1,7,9-тармақтары (Адам өлтіру), 293-бабы 3-бөлігі 2-тармағы (Бұзақылық) бойынша аса ауыр қылмыстар жасады деген күдік бойынша;
  • Серікбол Мұратбекұлы Шөкенов - 30 жаста, ҚР Қылмыстық кодексінің 293-бабы 3-бөлігі 2- тармағы (Атыс қаруын қолданып бұзақылық) бойынша қылмыс жасады деген күдік бойынша;
  • Нұрсұлтан Бахтиярұлы Аукенов - 30 жаста, ҚР Қылмыстық кодексінің 293-бабы 3-бөлігі 2-тармағы (Бұзақылық) бойынша аса ауыр қылмыс жасады деген күдік бойынша.

Алматы облысының полициясы осы адамдар туралы ақпараты барларға мына телефондар бойынша хабарлауын сұрайды: +7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 немесе 102.

Еске салайық, Алматы облысы Ұзынағаш ауылында атыс болып, бір адам қаза тапқаны хабарланған болатын. 4 тамызда Жамбыл облысы Ұзынағаш ауылындағы ауруханаға оқ жарақатымен үш жергілікті тұрғын жеткізілген. Зардап шеккендердің бірі жансақтау бөліміне жеткізілгеннен кейін қаза болған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар