Жаңалықтар 10.08.2022 сағат 14:40

Қостанайлықтар жоғалған қыздың ерекшелігіне байланысты іздеу тактикасын өзгертті

Аумақты тінту бағыты өзгеріп, іздеу жұмыстары тыныштық режимінде жүргізіліп жатқанын хабарлады.
Қостанайлықтар жоғалған қыздың ерекшелігіне байланысты іздеу тактикасын өзгертті
Бөлісу
Бөлісу
Бөлісу

Қостанай облысының полиция департаменті қызды іздеу шарасы баланың ерекшеліктерін ескере отырып, тыныштық режимінде жүргізіліп жатқанын хабарлады. Аумақты тінту бағыты өзгерді.

Бұған дейін бес жасар Мәдинаны Тобыл өзенінің бойынан іздесе, енді із кесушілер Тобылдан Жамбыл ауылына қарай бағыт алады.

"Түнде жылу таратқышы бар арнайы бөлімшелер жұмыс істеді, барлау тактикасы қолданылды. Таңертең төрт бағытта 100 шақырымға дейін созылған іздеу аймағын айналып өту қайта басталды", – деді Қостанай облысы полиция департаментінің баспасөз қызметі.

Еске салсақ, Қостанай облысының Жамбыл ауылында 7 тамызда таңертең бес жасар қыз жоғалып кеткен еді. Баланы 18 бен 13 жастағы үлкен әпкелері қарап қалған, олар таңертең оянған кезде қыздың үйде жоқ екенін байқаған. Полицияны қыздың анасы шақырды.

10 тамыз күні жедел штаб азық-түлік пен сусынға шар байлап, тастап кету туралы шешім қабылдады. Бұл бір жағынан, іздеу жүйелеріне арналған сигналдық белгі болса, екінші жағынан, қыздың назарын аударуы мүмкін.

Қызды жанашыр азаматтар, сондай-ақ Ұлттық ұлан, ШҚ, ҚР ҰҚКД әскери қызметшілері, кинологтар, полицейлер, ТЖД және басқа да құқық қорғау және арнайы органдардың қызметкерлері іздеп жатыр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар