Нұр-Сұлтандағы Мәңгілік ел даңғылы қайтадан жабылады

Нұр-Сұлтанда Мәңгілік ел даңғылының бір бөлігі жөндеу жұмыстарына қайта жабылады, - деп хабарлайды Tengrinews.kz.

"Нұр-Сұлтан қаласының көлік және жол-көлік инфрақұрылымын дамыту басқармасы жол қозғалысы қауіпсіздігін қамтамасыз ету мақсатында Әкімшілік полиция басқармасымен келісе отырып, Мәңгілік ел даңғылы бойында жол бөлігін (асфальт жабынының екінші қабаты) жөндеу жұмыстары басталғанын хабарлайды", - деді басқарма өкілдері.

15-20 тамыз аралығында Керей-Жәнібек хандар көшесінен Бұқар жырау көшесіне дейінгі учаскеде көліктер қозғалысы толық жабылады.

Қала тұрғындары мен қонақтарынан жол жүру бағытын алдын ала жоспарлау сұралады.

"Келтірген қолайсыздық үшін кешірім сұраймыз және жөндеу жұмыстарына түсінікпен қарауды сұраймыз", - деді ведомство өкілдері.