Битум жоқ: Кей өңірлерде жол жөндеу жұмыстары тоқтап тұр

Қостанайда битум тапшылығына тас жолдардың біріне асфальт төсеу жұмыстары байланысты бір айдан астам уақыттан бері тоқтап тұр, деп хабарлады Қостанай Жаңалықтары порталы.

Жаз басынан бері Қостанайда Федоров тас жолы деп аталатын жолға орташа жөндеу жұмыстары жүргізіліп жатыр. Алайда бұл жұмыстардың тоқтап тұрғанына 40 күнге жуықтады. Мердігердің айтуынша, оларда битум жоқ.

"Тапсырыс беруші "ҚазАвтоЖолға" берген өтінім бойынша тамызда 3 000 тонна алуымыз керек. Әзірге 500 тонна жөнелтілді, жолда келе жатыр. Өткен жылдары битумды трейдерлерден сатып алу мүмкіндігі болған, қазір мұндай мүмкіндік жоқ", - дейді мердігер компания "АБЗ+" ЖШС басшысы Николай Лобанов.

"ҚазАвтоЖолдың" көмегімен делдалдар жеткізу тізбегінен ажыратылғаны аталып өтті.

"Битумды зауыттар мен мердігерлер арасында делдалсыз сату механизмі әзірленді. Битумның бір тоннасының бағасын сметалық көрсеткішке теңестіре алдық. Бұл тоннасына 80-120 мың теңге. Битум өндірісінің көлемі "ҚазАвтоЖолға" тәуелді емес", - деді акционерлік қоғамның баспасөз хатшысы Ләззат Стамғазиева.

Қостанайлық мердігер елордадан Челябіге Әулиекөл, Федоров және Қарабалық аудандары арқылы жеткізетін 90 километрге жуық жолдың жөндеу жұмыстарын биылғы маусымда аяқтауы керек. Бұл осы жылғы жалпы жұмыс көлемінің жартысы болғандықтан, 9 мың тонна битум қазан айында емес, тап қазір қажет. Өйткені мердігер жөндеу жұмыстарын 2022 жылы аяқтауы керек.

"Қостанай жолдары" мекемесінде де осындай мәселелер туындады. Компания өкілдерінің айтуынша, олардағы битум қоры небәрі 10 күнге ғана жетеді. Олар Рудныйдан Аят өзені арқылы өтетін көпірге дейінгі жолды қайта жөндеп жатыр.
Битумның тапшылығына қажетті материалды уақытында жеткізбеу себеп болып отыр.