$ 450.79  482.21  5.05

Кәрім Мәсімовке қатысты қылмыстық істі тергеу аяқталды

Қазіргі уақытта күдіктілерді іс материалдарымен таныстыру жүргізіліп жатыр.

ҰҚК бұрынғы басшылығы К.Қ.Мәсімовке, А.Т.Садықұловқа, Д.Е.Ерғожинге, М.С.Өсіповке және лауазымды адамдар Д.М.Акиповке, Н.К.Бекмұратқа қатысты қылмыстық істі тергеуді аяқтады. 
 
Мәсімовтің және Садықұловтың әрекеттері Қылмыстық кодекстің 175-бабы 1-бөлігі (мемлекетке опасыздық жасау), 179-бабы 3-бөлігі (билікті күшпен басып алу) және 362-бабы 4-бөлігі 3-тармағы бойынша (билікті немесе лауазымдық өкілеттіктерді асыра пайдалану); 
 
Ерғожин ҚК 179-бабы 3-бөлігі (билікті күшпен басып алу) және 362-бабы 4-бөлігі 3-тармағы бойынша (билікті немесе лауазымдық өкілеттіктерді асыра пайдалану); 
 
Өсіпов ҚК 362-бабы 3-бөлігі бойынша (билікті немесе лауазымдық өкілеттіктерді асыра пайдалану); 
 
Акипов және Бекмұрат ҚК 362-бабы 1-бөлігі бойынша (билікті немесе лауазымдық өкілеттіктерді асыра пайдалану) сараланды. 
 
Қазіргі уақытта күдіктілерді іс материалдарымен таныстыру жүргізіліп жатыр.  
 
Іс материалдарымен танысу кезеңіне қамауда ұстау мерзімі Мәсімов пен Садықұловқа ү.ж. 6 қазанына дейін, Ерғожинге ү.ж. 13 қазанына және Өсіповке ү.ж. 22 қазанына дейін ұзартылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары