Атырауда өткен концертте 120 бала жоғалып кетті

Атырауда ірі мұнай компаниясының 100 жылдығына арналған концерт өтті. Концертке 15 мыңнан астам тұрғын жиналды.

Ересектер демалып, ән тыңдап жатқанда, 120 бала жоғалып кеткен. Бұл туралы полиция департаменті хабарлады.

– Атыраудағы концертте балалардың жоғалуына байланысты 120 өтініш келіп түсті, концертке 15 мың халық жиналды, – делінген Атырау облыстық полиция департаментінің хабарламасында.

Полиция департаменті 1 сағатқа дейінгі уақыт аралығында балалар табылып, ата-аналарымен аман-есен қауышқанын хабарлады.