Жаңалықтар 06.09.2022 сағат 15:20

«Құпия кездесу»: Асқар Мамин желіде тарап жатқан суретке қатысты пікір білдірді

Сурет туралы кейбір БАҚ-та айтылған болжамдарды орынсыз және арандату деп санаймын.
«Құпия кездесу»: Асқар Мамин желіде тарап жатқан суретке қатысты пікір білдірді
Бөлісу
Бөлісу
Бөлісу

Бұрынғы премьер-министр Асқар Мамин Мәжілістің бұрынғы спикері Нұрлан Нығматулин және Қазақстан футбол федерациясының бұрынғы президенті Әділбек Жақсыбековпен бірге түскен суретіне қатысты пікір білдірді, - деп хабарлайды Tengrinews.kz тілшісі.

Бұрынғы шенеуніктердің суреті бірнеше БАҚ пен Telegram-арналарында пайда болды. Асқар Мамин сурет шын екенін және ол Нұр-Сұлтанда түсірілгенін растады.

"Расында, өткен жексенбіде (4 қыркүйек) Нұр-Сұлтандағы мейрамханалардың бірінде түскі уақытта жақын туыстарым ұйымдастырған қазақтың салт-дәстүріне сай ("Сырға салу") шара өтті", - деді Мамин.

Сондай-ақ, әлеуметтік желіде тарап, қызу талқыға түскен фотоны арандату деп есептейтінін айтты.

"Сурет туралы кейбір БАҚ-та айтылған болжамдарды орынсыз және арандату деп санаймын. Еліміз қазір дамудың, оның ішінде саяси трансформацияның тарихи кезеңінде тұр. Осыған орай, осындай шешуші кезеңде Мемлекет басшысының төңірегіне топтасып, арандатушылар мен деструктив мақсаттағы адамдарға ешқандай мүмкіндік бермеу керек деп есептеймін", - деп түйіндеді сөзін.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар