«Қолың сынғыр!»: Желіде тәрбиешінің балаларды тоқпақтап жатқан видеосы тарады

"Қолың сынғыр! Не масқара?", деген жазумен желіде балабақша тәрбиешісінің баланы аяусыз ұрып-соғып жатқан видеосы тарады. Сондай-ақ тәрбиеленушіден кек алу үшін басқа қызды оны итеруге мәжбүрлеген.

Оқиға 5 қыркүйекте Түркістан облысы, Шардара қаласының жеке меншік балабақшасында болған, деп хабарлайды Skifnews.kz ақпарат порталы.

Аталған факті бойынша арнайы комиссия құрылды. Іс полицияға тапсырылды.

Естеріңізе сала кетейік, осы көктемде Түркістан облысының басқа балабақшасында бір жарым жасар баланың аяғы сынып, миы шайқалып, дене жарақатын алу дерегі тіркелген еді.