Жаңалықтар 08.09.2022 сағат 10:40

Әйел қызғаныштан баласының сыныптасын улап өлтірген

13 жастағы Маникандан есімді жеткіншек Караикал қаласындағы мектептің үздік оқушылардың бірі болған.
Әйел қызғаныштан баласының сыныптасын улап өлтірген
фото: ашық дереккөз
Бөлісу
Бөлісу
Бөлісу

Үндістанда әйел қызының 13 жастағы сыныптасын жақсы оқығаны үшін у беріп өлтірген, деп жазады Times of India басылымы.

13 жастағы Маникандан есімді жеткіншек Караикал қаласындағы мектептің үздік оқушылардың бірі болған. Сыныптасының анасы оның жетістіктерін қызғанып, жасөспірімнен құтылудың жолын іздеген.

2 қыркүйекте мектепте дәстүрлі іс-шара өткен кезде, әйел мектепке келіп, өзін күзетшіге Маниканданның анасы ретінде таныстырып, оған сусынын беруді өтінеді.

Оқушы еш күдіктенбестен сусынды ішіп, содан кейін ауырып қалады. Үйге келгенде, іші өтіп, құса бастайды. Ата-анасы баланы жеке клиникаға апарып, шұғыл емге жатқызады. Оқушы денсаулығы жақсарған кезде үйіне жіберіледі. Алайда келесі күні бала қайтадан ауырып қалған. Ол ауруханаға дереу жеткізілгенімен дәрігерлер оның өмірін сақтап қала алмапты. Кешке қарай Маникандан қайтыс болған.

Тергеу барысында Маниканданның анасы ұлының сусын туралы айтқанын есіне түсіріп, сол күні ұлына ештеңе бермегенін жеткізген. Содан кейін полиция мектеп қызметкерлерімен сөйлесіп, сусын ұсынған 42 жастағы әйелді анықтайды. Қаскөй бұл әрекетін мойындап, сусынға улы зат қосқанын айтқан.
Сол күні әйел қамауға алынып, оған кісі өлтірді деген айып тағылды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар