$ 448.15  483.46  4.86

Еңбек министрлігі жалдамалы баспана жағдайы қалай реттелетініне қатысты жауап берді

Тамара Дүйсенова қазір елді дүрбелеңге түсірген пәтер мәселесінің бір шешім табуын қолдайтынын жеткізді.

Еңбек және халықты әлеуметтік қорғау министрі Тамара Дүйсенова брифингте Бәсекелестікті қорғау және дамыту агенттігі тұрғын үйді жалға беру нарығын реттеу мәселелерімен айналысып жатқанын жеткізді. Министр дәл қазіргі уақытта жалға беру нарығына мемлекет реттеу жұмыстарын жүргізуі керек екенін айтты, деп хабарлайды Stan.kz ақпарат агенттігі.

Тамара Дүйсенова қазір елді дүрбелеңге түсірген пәтер мәселесінің бір шешім табуын қолдайтынын жеткізді. Сөзінше, мемлекет бұл жайтты адамдардың мүдделерін қорғай отырып, шешуі керек.

"Біздің жалға беру нарығымыз толық реттелмеген. Көлеңкелі тұстары көп. Қазір бұл мәселені Бәсекелестікті қорғау және дамыту агенттігі қарастыруда. Олардың тарапынан шешімдер мен ұсыныстарын жақын арада береді деп ойлаймын. Менің жеке пікірім, бұл мәселе пәтер иелерінің де, осы пәтерлерді жалға алатын адамдардың да мүдделері қорғалатындай етіп реттелуі керек", - деді Еңбек министрлігінің басшысы.

Ол реттеу белгілі бір бағаны шектеуді білдірмейтінін айтты.

"Нарық ретінде реттеу: қанша пәтер жалға берілетіні, бұл тұлғалар салық төлеуші ​​болып табыла ма, олардың мүдделерін қорғау үшін қанша қажет ескерілуі қажет", - деп қосты министр.

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары