Жаңалықтар 29.09.2022 сағат 21:41

Бағдат Мусин Ресей азаматтарына ЖСН нөмірін алуды жеңілдетті

Бағдат Мусин сондай-ақ мобилизациядан қашқан ресейліктер үшін банк картасын ашу да оңай болатынына сендірді.
Бағдат Мусин Ресей азаматтарына ЖСН нөмірін алуды жеңілдетті
Бөлісу
Бөлісу
Бөлісу

Цифрландыру министрі Бағдат Мусин Халыққа қызмет көрсету орталығына барып, Ресей Федерациясынан келген азаматтар легі шынымен көп екенін, операторлардың алдында ұзын-сонар кезекте тұрғандардың санында есеп жоқ екенін хабарлады.

Министр мобилизациядан Қазақстанға қашып келген ресейліктердің ортасында тұрып, олар үшін ЖСН алуды жеңілдетуге уәде берді.

"Енді ЖСН алуға өтініш берген адамдарға екінші рет келудің қажеті жоқ, ЖСН олардың телефон нөміріне 1414 қызметінен СМС-хабарлама түрінде жіберілетін болады. Бұл дайын ЖСН алу үшін кезекте тұрған барлық ХҚКО клиенттеріне қатысты. Бұл өз кезегінде адамдардың халыққа қызмет көрсету орталықтарында шоғырланбауының алдын алады", - деп түсіндірді Мусин.

Бағдат Мусин сондай-ақ мобилизациядан қашқан ресейліктер үшін банк картасын ашу да оңай болатынына сендірді.

"Бүгін біз екінші деңгейлі банктерге ЖСН деректер базасында берілетіні туралы ақпаратты жеткіземіз, нөмірді енгізген кезде кез-келген азамат туралы ақпарат автоматты түрде шығатын болады. Біз жағдайды бақылауда ұстаймыз", - деп түйіндеді министр.

Айта кетейік, Владимир Путин Ресейде жартылай мобилизация жариялаған күн - 21 қыркүйектен бастап Қазақстанға 98 мың ресейлік келген.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар