Жаңалықтар 02.10.2022 сағат 12:00

«Қазақ тілі - Мәмбеттердің тілі» — Ирина Тен

Қазіргі жастардың санасына «Мәмбет» деген сөз қараңғылықтың, надандықтың баламасы болып қабылданатыны жасырын емес.
«Қазақ тілі - Мәмбеттердің тілі» — Ирина Тен
Фото: ашықдереккөзден
Бөлісу
Бөлісу
Бөлісу

Танымал тележүргізуші Ирина Тен Instagram-дағы парақшасында «Мәмбет» сөзінің мағынасын түсіндіріп, жазба жариялады.

«Қазақ тілі - Мәмбеттердің тілі. Ол рас. «Мәмбет» сөзінің мағынасын түсіне білгенге. Қазіргі жастардың санасына «Мәмбет» деген сөз бір қараңғылықтың, надандықтың баламасы болып қабылданатыны жасырын емес. Ауылдан келген болса, кез келген біреу сәл мәдениетсіздік танытса, орысшаға тілі сәл шорқақ болып жатса, тіпті жол ережесін бұзса бейтаныс біреуді осылай атай салатындар бар.

Ендеше, білмегендермен бөлісейін, білетіндердің есіне салайын.

«Мәмбет – Мұхаммед (с.ғ.с.) пайғамбардың құрметіне қойылған есім. Сөз түбірі арабтың «хәмд» мақтау сөзімен төркіндес. «Мұхәммәд», «әхмәд» сөздері мақтаулы, мадақтаулы деген мағынаны білдіреді».

Ал тарихта үш жүздің басын қосып, ел бастаған Абылай ханның сенімді серігі болған Мәмбет батыр Күнбасұлының, Сыр еліне аты белгілі Мәмбет әулие Олжабайұлының есімдері кездеседі. Оны бірі естісе, екіншілері мұндай адамдардың болғанынан да бейхабар.

Кім де кім екінші біреуді кемсіту, төмендету мақсатында «мәмбет» деп атаса, өзінің білімсіздігін әлемге паш еткені дейді. Әлем демей-ақ қойсақ та, өзіне және «қарсыласына» кімнің шынымен қараңғы екенін түсінуін жеңілдетеді. Сонымен, қазақ тілі - мәмбеттердің тілі», - деп жазды журналист.

 

“Адырна” ұлттық порталы. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар