«Миллион жетпей тұр»: Қалыңмалға ақшасы жетпеген жігіт блогерден көмек сұрады

Шымкенттен қыз алмақ болған жігіт қалыңмалға ақша жеткізе алмай блогерден көмек сұрады, деп хабарлайды Экспресс К.

Ол ақша таба алмай қатты қиналса керек, танымал блогерден ақша жинап беруін өтінген. Бұл туралы Дәулет Төлейтайұлы өзінің Instagram-дағы парақшасында жазды. Ақша сұраған адамның жазбасын да салыпты.

«Шымкенттен қыз алайын деп жатыр едім. Бірақ қалыңмалына миллион теңге жетпей тұр. Өтініш, оқырмандарыңыздан маған ақша жинап берсеңіз екен» деп жазыпты әлгі жігіт.

Дәулет бірден жауап бермесе керек. Сәлден кейін «Дәулет ағай, жауап бермедіңіз ғой, үйлену керек болып жатыр. Немесе өзіңіз маған бере аласыз ба? Байсыз ғой» деп жазған.

Ал «кей адамдардың үйленгені маған керек секілді әрі міндет» деген блогер жекеге келген хаттар ішін пыстырмайтынын айтады.

«Қалың малға миллион жетпей тұрса... Қалыңмалдың өзі Шымкентте қанша болып жатыр екен?»
 дейді блогер.