$ 449.58  486.94  4.86

Астанада пилотсыз ұшақ ұшырған ресейліктер ұсталды

Квадрокоптердің иелері құрылғыны рұқсатсыз іске қосқан 21 және 28 жастағы Ресейден келген жастар болып шықты.

Ресей Федерациясының азаматтары Астанада ұшқышсыз ұшатын аппаратты рұқсатсыз ұшырды. Бұл туралы Ulysmedia.kz хабарлайды.

Полицияның хабарлауынша, елордада бір тәуліктің әртүрлі уақытында заңсыз екі дрон ұшырылған.

Квадрокоптердің иелері құрылғыны рұқсатсыз іске қосқан 21 және 28 жастағы Ресейден келген жастар болып шықты.

“Шетелдіктермен профилактикалық әңгіме жүргіздік. Құқықбұзушылықтар ақпаратты есепке алу кітабына тіркеледі. Материал заңды шешім қабылдау үшін Азаматтық авиация комитетіне жіберілді”, – деген Астана Әскери-әуе күштері Қазақстан Республикасының әуе кеңістігін пайдалану тәртібін бұзғаны үшін жауапкершілік бар екенін еске салды.

Айта кетейік, 21 қыркүйекте Ресей президенті Владимир Путин елде мобилизация туралы хабарлаған болатын. Осыдан кейін Ресей Федерациясынан басқа елдерге алдағы бірнеше күндік билеттердің барлығы дерлік бірнеше сағатта сатып алынды. Мобилизациядан қашқан орыстардың көпшілігі Қазақстан Республикасына аттанды. Сондай-ақ Ресей Федерациясында Қазақстан Республикасында пайдалану үшін туристік сим-карталарға сұраныс артты.

Еңбек және халықты әлеуметтік қорғау министрі Тамара Дүйсенова Қазақстанда қанша Ресей азаматы жұмыс істейтінін және мигранттар ағыны ұлттық еңбек нарығына қалай әсер ететінін айтты. Ал Смайылов ресейліктердің жұмысқа орналасуына ықпал етіп, жалға берілетін тұрғын үй нарығын тұрақтандыруды тапсырды.

Жалпы, мобилизация жарияланғалы бері Қазақстанға 200 мың ресейлік келді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#Астана #дрон