«Кәмелетке толмағандарды саудалап, жалған құжат жасаған»: Интерпол шымкенттік әйелді Оңтүстік Кореяда ұстады

ҚР Ішкі істер министрлігі Интерполдың Ұлттық орталық бюросы 39 жастағы Шымкент қаласының тұрғынын елге қайтарды, деп хабарлайды Zakon.kz.

Аталған шара оңтүстік кореялық әріптестермен бірлесе отырып, жүзеге асырылған.

Әйелге кәмелетке толмағандарды саудалап, жалған құжат жасағаны үшін іздеу жарияланған.

"Бұған дейін әйел қыз туып, оның құжаттарын қолдан жасап, биологиялық баласын үшінші тұлғаға беру үшін заңсыз ота жасатқан. Осыған байланысты фигурантқа халықаралық іздеу жарияланды", деп мәлімдеді ҚР ІІМ баспасөз қызметі.

Оңтүстік Кореядан депортацияланып, Қазақстанға келгеннен кейін оны Алматы әуежайының желілік полиция бөлімінің қызметкерлері ұстап, уақытша ұстау изоляторына қамады.