Елена Рыбакина әлемнің «Жыл ойыншысы» атағына үміткер

Маусым қорытындысы бойынша Әйелдер теннисі қауымдастығының (WTA) марапатына үміткерлердің есімі анықталды.

Қазақстан құрамасының көшбасшысы, Уимблдон-2022 чемпионы Елена Рыбакина "Жыл ойыншысы" аталымы бойынша үміткерлер қатарына ілінді, деп хабарлайды ҚТФ баспасөз қызметі.

Сондай-ақ жоғары марапатқа таласатындар арасында мына спортшылар да бар:

Әлемнің бірінші ракеткасы, "Ролан Гаррос", US Open және тағы алты жарыстың жеңімпазы, Польша өкілі Ига Швентек;

Дүниежүзілік рейтингіде екінші тұрған US Open және Уимблдон финалисі, Мадрид пен Берлин чемпионы, тунистік Онс Жабер;

Әлемнің жетінші ракеткасы, Ролан Гаррос финалисі Кори Гауфф;

Әлемдік рейтингідегі үшінші үздік, Гвадалахара чемпионы Джессика Пегула.