Жаңалықтар 23.11.2022 сағат 22:20

Тағы бір сенсация: Германия құрамасы Жапониядан жеңіліп қалды

Жанкүйерлер Германия құрамасы Жапонияны оңай жеңіп кете алады деген ойда болған еді.
Тағы бір сенсация: Германия құрамасы Жапониядан жеңіліп қалды
Бөлісу
Бөлісу
Бөлісу

Қатарда өтіп жатқан футболдан 2022 жылғы әлем чемпионатының төртінші ойын күнінде тағы да сенсация тіркелді. Е тобындағы Германия құрамасы Жапонияға жол берді, деп хабарлайды ҚазАқпарат. 

Жанкүйерлер Германия құрамасы Жапонияны оңай жеңіп кете алады деген ойда болған еді.

Әлемдік додада төрт мәрте чемпион атанып, бірнеше мәрте жүлдегерлер қатарынан көрінген неміс футболшылары қай кезде де мықтылар қатарында саналады.

Бұл кездесу барысында да Аргентина және Сауд Арабиясы кездесуіндегі жағдай қайталанды.

Алдымен Германия құрамасынан 33-минутта Илкай Гюндаган пеналтиден есеп ашқан еді.

Екінші кезеңде Жапония қарсыластың қарқынына лайықты төтеп бере білді.

Есесіне қарымта шабуылда гол соғатын мүмкіндік іздеді. Нәтижесінде 75-минутта Рицу Доан таразы басын теңестірсе, Такума Асано 83-минутта Жапонияны алға шығарды.

Бұл топтағы Испания мен Коста-Рика кездесуін елорда уақытымен 22:00-де «Qazaqstan» телеарнасынан тікелей эфирде тамашалауға болады

Айта кетсек, бүгін F тобындағы Марокко мен Хорватия құрамалары тең түсті.

Аталған топтағы Бельгия мен Канада кездесуі «Qazsport» телеарнасынан елорда уақытымен 01:00-де тікелей эфирде көрсетіледі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар