Жаңалықтар 29.11.2022 сағат 13:00

Шымкентте науқасқа қайтыс болған адамның бауыры салынды

Осылайша, қайтыс болған бір адам бес адамның өмірін сақтап қалды.
Шымкентте науқасқа қайтыс болған адамның бауыры салынды
Бөлісу
Бөлісу
Бөлісу

 Шымкент қаласында алғаш рет мәйіт ағзасының трансплантациясы жасалды, деп хабарлайды Sputnik Қазақтан.

Қалалық клиникалық ауруханада жасалған операция алты сағатқа созылды. Қайтыс болған ер адамның бауыры науқасқа салынды. Ол бауыр циррозына шалдыққан.

Денсаулық сақтау басқармасының мәліметіне сәйкес, қазіргі кезді науқас жансақтау бөлімінен палатаға ауыстырылды. 5 жылдан бері диспансерлік есепте тұрған 44 жастағы ер адамның жағдайы бірқалыпты. Жақын арада ауруханадан шығарылуы мүмкін. Дәрігерлер оның жағдайын жіті бақылауда ұстап отыр.

"Осы аптаның соңына дейін науқастың жағдайына қарай үйіне шығару жоспарланып отыр. Әрине ол амбулаториялық деңгейде және стационарлық бейінді мамандардың бақылауында болады. Шымкент қаласында 500-ге жуық науқас диспансерлік есепте тұрады. Ол созылмалы гемодиализ алып жатқан науқастар. Көбінесе бізде операция туыстық донормен жүргізіледі", - дейді қалалық денсаулық сақтау басқармасы басшысының орынбасары Айгүл Бекбауова.

Ал қайтыс болған донордың өзге ағзасы Астана мен Алматы қаласындағы емдеу мекемесіне санавиациямен жеткізілді. Мәйіт донорлығына марқұмның туыстары заңды түрде келісімін берді.

Осылайша, қайтыс болған бір адам бес адамның өмірін сақтап қалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар