Жаңалықтар 02.12.2022 сағат 11:40

Қамшыбек Қоңқабаев WBO рейтингісі бойынша үздік үштікке енді

Бұл салмақта «Суперчемпиондық» атақ Александр Усиктің еншісінде.
Қамшыбек Қоңқабаев WBO рейтингісі бойынша үздік үштікке енді
Фото: ашық дереккөз
Бөлісу
Бөлісу
Бөлісу

Дүниежүзілік бокс қауымдастығы (WTA) барлық салмақ дәрежесіндегі боксшылардың рейтингісін жаңартты, деп хабарлайды Sports.kz.

Оған сәйкес, аса ауыр салмақ дәрежесіндегі былғыры қолғап шеберлері арасында қазақстандық Жан Кособуцкий тоғызыншы позициядан сегізінші орынға көтерілді. Ал Иван Дычко бұған дейін тұрақтаған 15-ші орнын сақтап қалды. Бұл салмақта «Суперчемпиондық» атақ Александр Усиктің еншісінде болса, рейтингінің алғашқы үштігіне конголық спортшы Мартин Баколе, америкалық Майкл Хантер мен Деонтей Уайлдер енді.

Сонымен қатар, брінші ауыр салмақ бойынша бұл уақытқа дейін рейтингіде төртінші позицияда болған ел спортшысы Қамшыбек Қонқабаев үшінші орынға көтерілді. Оның алдында кубалық Рониэль Дортикос пен швециялық Бад Джек тұр.

Ал екінші орта салмақта өнер көрсететін Айдос Ербосынұлы бесінші орынға сырғыды. Ол бұған дейін аталған салмақ дәрежесінде көш бастап тұрған еді. Сондай-ақ, қазақстандық кәсіпқой боксшы Бек Нұрмағанбет рейтингіде бір сатыға төмендеді. Атап айтқанда, ол оныншы орыннан он бірінші орынға сырғыды.

Екінші жартылай жеңіл салмақ дәрежесінде өнер көрсететін ел боксшысы Сұлтан Заурбек бұл уақытқа дейін тұрақтаған сегізінші орында қалды. Рейтингінің үздік үштігіне америкалық Ламонт Крауч, грузин боксшысы Отар Эраносян және ирландиялық Джон Кэрролл кірді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар