Қаңтар оқиғасы: Күдебаевтың жұмыс орнын тастап кетіп бара жатқан видеосы жарияланды

Бас прокуратура Мәжілісте жариялаған роликте Алматы облысы полиция департаментінің бұрынғы басшысы Серік Күдебаевтың жұмыс орнын тастап кетіп бара жатқан сәтін көрсетті, деп хабарлайды Ulysmedia.kz.

Еске сала кетсек, Алматы облысы полиция департаментінің бұрынғы басшысы Серік Күдебаев қаңтар оқиғасы бойынша күдікті деп танылған еді. Қадағалау департаментінде анықталғандай, Алматы облысының ПД бұрынғы басшысы «ауыр зардаптарға әкеп соқтырған қызметтегі әрекетсіздік» деген күдікке ілінген. 

Серік Күдебаев 2020 жылдың қаңтарынан 2022 жылдың қаңтарына дейін Алматы облысының полиция департаментінің бастығы қызметін атқарған. 2022 жылдың 18 ақпанында ол ішкі істер органдарынан өз еркімен босатылды.