McDonald's-тың Қазақстаннан кетпеуі үшін отандық өнім табамыз - «Атамекен» ұлттық кәсіпкерлер палатасы

“Атамекен”  ұлттық кәсіпкерлер палатасы McDonald's-тың Қазақстаннан кетпеуі үшін көмектесетіндерін жеткізді, деп хабарлайды Stan.kz ақпарат агенттігі.

Палата McDonald's корпорациясына Қазақстандағы мейрамханалардың жұмысын жалғастыру үшін отандық ет жеткізушіні табуға көмектесуге дайын. 

Оған дейін тамақтану желісінің жабылатындығы хабарланды.

Алдыңғы күні McDonald's компаниясы ет жеткізу мәселелеріне байланысты Қазақстаннан кетуге ниетті екендігі хабарланды. Мәжіліс аясында ҰКП басшысы Райымбек Баталов елімізде тиісті өндіруші бар-жоғын нақтылады.

"McDonald's жаһандық стандарттарға ие, бұл әлемдік компания.  Бірақ кез келген өндіріс ірі желілік компанияға бейімделуі керек. Менің ойымша, бұл – коммерциялық мәселе. Бұл өндіріс көлемінің жеткіліксіздігін білдіреді. Халықаралық стандарттарға сәйкес келетін өндіріс жеткіліксіз болуы мүмкін. McDonald's кетпейді және көлемді де, стандартты да қамтамасыз ете алатын өндірушіні табады деп үміттенемін", – деді Баталов.

Оның айтуынша, компания "Атамекенге" жүгінбеген, алайда олар көмектесуге дайын. Сондай-ақ, ҰКП  PepsiCo, Inc компаниясымен бірге жүреді, елде чипсы зауыты (Lay ' s) салынуы мүмкін.