$ 449.58  486.94  4.86

Азия чемпионатында үш боксшы жүлдегер атанды

Аса ауыр салмақта Аманат Сабырғали тағы бір өзбекстандық Джахонгир Зокировпен шеберлік байқасты.
Ерасыл Жакпеков
Ерасыл Жакпеков

Таиланд астанасы Бангкок қаласында 22 жасқа дейінгілер арасында өтіп жатқан Азия чемпионатында қазақстандық үш боксшы қола жүлдегер атанды деп хабарлады turkystan.kz.

Ерасыл Жакпеков 80 келіге дейінгі салмақта өзбекстандық Джасурбек Юлдошевпен жұдырықтасып, оны екінші раундта нокдаунға жібергенімен, төрешілер шешімімен жеңіліп қалды. Сөйтіп ол қола жүлдемен шектелді.

Сондай-ақ 92 келіге дейінгі салмақта рингке шыққан Ерхат Бекзат өзбекстандық Нусратбек Тохировке есе жіберді – 0:5.

Аса ауыр салмақта Аманат Сабырғали тағы бір өзбекстандық Джахонгир Зокировпен шеберлік байқасты. Екінші раундта Аманат дәл соққы алып, рефери есеп ашты. Ақыры төрешілердің бірауыздан шешімімен жеңіс өзбекстандық боксшының еншісінде кетті.

Осылайша, боксшыларымыздың үшеуі де өзбекстандықтардан ұтылып қалды.

Жастар арасында Азия біріншілігінде кеше қазақстандық үш боксшы қызымыз өзбекстандықтарға жол берген еді.

Бүгін жартылай финалда өнер көрсеткен 11 қазақстандық боксшының алтауы жеңсе, бесеуі ұтылып қалды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары