$ 444.32 € 473.33 ₽ 4.76
Астанада жөргек ұрлаумен айналысқан жігіт ұсталды, деп хабарлады Polisia.kz.
Полицияға тұрмыстық тауар дүкендері желісінен көптеген ұрлық жасалғаны туралы бірнеше хабарлама келіп түсті.
Жеделіздестіру іс-шаралары барысында Есіл ауданының полиция қызметкерлері сериялық ұрлық жасады деген күдікпен 19 жастағы астаналықты анықтады. Бейнекамералар жас жігіттің жасаған ұрлықтарын түсіріп алған.
Сонымен күндізгі уақытта жас жігіт дүкенге кіріп, жөргектерді, балалар тағамы мен ұстара станоктарына арналған кассеталарды еш кедергісіз ұрлаған.
Жігіт ұрланған тауарды кездейсоқ адамдарға сатып, түскен қаражатты өз қажетіне жұмсаған.
Қазіргі уақытта барлық фактіге қатысты ҚР Қылмыстық кодексінің 188-бабы (Ұрлық) бойынша сотқа дейінгі тергеу амалдары жүргізіліп жатыр.
Жас жігітке қатысты ешқайда кетпеу туралы қолхат түрінде бұлтартпау шарасы қолданылды. Оның елорда аумағында осыған ұқсас үш қылмысқа қатысы бар екені анықталды.
