Ақтаудағы сауда орындарында қойылған қайырымдылық жәшіктерінен жиналған ақша заңсыз діни сабақтар өткізуге жұмсалған. Бұл туралы Маңғыстау облысының полиция департаменті мәлім етті, деп хабарлайды Azattyq Rýhy.
«Осы тектес жәшіктерге жиналған қаражаттың заңсыз діни сабақтар өткізуге жұмсалғаны анықталды. Сондай-ақ деструктивті діни ағымды жақтаушылар «қайырымдылық жинау» арқылы террористік, экстремистік ұйымдарға қаржылай демеушілік жасағаны туралы деректер де бар», - делінген полиция хабарламасында.
Маңғыстау облысының полиция департаменті заңсыз әрекеттер үшін Қылмыстық кодекстің 258-бабында жауапкершілік қарастырылғанын ескертіп, мешіттерде орналасқан арнайы қайырымдылық жәшіктеріне садақа жасауға кеңес берді.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
