«Қазгидромет» РМК 9-11 ақпанға арналған Қазақстандағы ауа райы болжамын жариялады, деп хабарлайды Azattyq Ruhy.
Синоптиктер алдағы күндері әлі де ауа райының тұрақсыз сипаты сақталатынын айтады.
«Оңтүстік және шығыс өңірлерде оңтүстік циклон жырасының ықпалымен; солтүстігінде және солтүстік-батысында Салехард аумағынан келетін циклон жырасына байланысты ауа райының тұрақсыз сипаты сақталады. Еліміздің оңтүстігі мен оңтүстік-шығысында 9 ақпанда қатты жауын-шашын, 10 ақпанда қалың қар жауады деп болжанады. Сондай-ақ аталған өңірлерде көктайғақ болуы мүмкін», - делінген хабарламада.
Республика бойынша тұман түсіп, жаяу бұрқасын болады және желдің күшейеді.
«11 ақпанда батыс антициклонының жотасы оңтүстік және оңтүстік-шығыс аймақтарға ауысады, онымен жауын-шашын біртіндеп тоқтайды және түнгі температура 8-21 аязға дейін төмендеуі мүмкін», - делінген хабарламада.