Ақтаудағы атақты амфитеатрдың қабырғасында жарықшақтар пайда болды

Амфитеатр жобаланған он емес, бір жарым айда салынды.

Ақтауда 2018 жылы салынған амфитеатр сахнасында жарықтар пайда болды, - деп хабарлайды Tengrinews.kz.

Ақтау тұрғындары жағалаудағы амфитеатр сахнасында жарықтар пайда болғанын хабарлады.

"Келесі концертте адамдардың қысымымен сахна құлауы әбден мүмкін", - дейді жергілікті тұрғын Андрей Белов.

Қала әкімшілігі сахнаның жай-күйіне қатысты әзірге пікір берген жоқ.

Еске салайық, амфитеатр 150-шағынауданның жағалауында 2018 жылғы тамызда салынған. Ол рекорд қысқа мерзімде – жобаланған он емес, бір жарым айда салынды. Ұзындығы 70 метрден асатын сахнада 1000 әртіс бір уақытта өнер көрсете алады.