Орамал таққан Елена Рыбакина жанкүйерлерін таңғалдырды

Қазақстандық теннисші Елена Рыбакина Әбу-Даби қаласындағы Шейх Заид мешітіне барды деп жазды turkystan.kz.

Bassport.kz сайтының мәліметінше, еліміздің бірінші ракеткасы мешіттегі суретін әлеуметтік желіге жариялаған. Спортшы мешіт ережесіне сай басына орамал таққан.

Ал жанкүйерлер Еленаның сұлулығына тамсанып, оған жылы пікірлер қалдырды. Тіпті, арасында: «Елена, сен мұсылмансың ба?» деп сұрағандар да бар.

Айта кетсек, Әбу-Дабидегі турнирдің ширек финалында Рыбакина бразилиялық спортшыдан ұтылып қалды.