Әлеумет 22.10.2017 сағат 12:14  407

Алматының әлеуметтік қоры нарықтағы бағаны тұрақтандыруға мүмкіндік берді

Алматыда қымбаттаған бағаны төмендету үшін 1 мың 268 тонна әлеуметтік тамақ өнімдері төмен бағамен сатылған. Бұл өз кезегінде қымбатшылыққа жол бермей, нарықтағы бағаны тұрақтандыруға үлкен әсерін тигізген. Бұл туралы «Алматы» ӘКК-нің мамандары хабарлап отыр. Дегенмен, әлеуметтік қордағы азық-түлік қазір таусылуға айналыпты.

Бөлісу
Бөлісу
Бөлісу

Қоймадағы азық-түлік жылына екі рет жаңартылып тұрады. Жуырда, қант қымбаттап, оның келісін 270 теңгеге жеткенде мына қоймадағы 700 тонна қанттың 612 тоннасы сатылымға шығарылған. Қымбатшылық пен жетіспеушілікті жою үшін жасалған жоспардың нәтижесінде қазір қанттың бағасы түсіп, келіс 220 теңге төңірегінде тұрақтап тұр.

Делдалдар тасымал арқылы тамақты қымбаттатқанда қоймадағы азық-түлік қоры 10-15 пайыз төмен бағамен сатылымға жіберіледі. Қазір күріш пен сұйық майдың бағасын тұрақтандыру үшін жұмыс жүргізіліп жатыр. Күрт көтерілетін қымбатшылықты жою үшін жұмсалатын өнімдер Жамбыл, Қостанай, Павлодар олбыстарынан әкелінеді. 

«729 миллион теңгеге 3 170 тонна азық-түлік өнімдері алынды. Бүгінге дейін оның 40 пайызы сатылымға шығарылды. Қорпорация тапшылық пен бағаның көттерілуін болдырмау үшін құрылған. Бұл жердегі тауарлар ірі сауда желісінен басқа қаланың 5 ауданындағы жәрмеңкелерге де жіберіледі»,- "Алматы" ӘКК АҚ бөлім жетекшісі, Азиз Тұрғанов.

Әлеуметтік тағам түрлері Алматыдағы 9 ірі сауда желісі арқылы сатылады. Бірақ, олар ойына келген құнды емес, меморандумда көрсетілген бағалық белдеуді ескеруі тиіс. Қазір бұл тамақ өнімдерінің құны көпке қолжетімді болғанмен, тікелей делдалдар арқылы жұмыс істейтін базардағы баға бірден көтеріліп кеткен.

Бензиннің тапшылығы мен күннің суытқанын сылтауратқан азық-түлін құнын көтеріп үлгерген. Бір ай бұрын бір келісі 60-80 теңге аралығында болған картоптың құны қазір 150 теңгеге жеткен. Сәбіз, қызылша, пияз, қызанақ, қияр сынды көкеністердің құныда қалтаға салмақ түсіреді.  

«Бағаның қымбаттауына делдалдар әсер етеді. Өйткені, фермерлердің өнімін сақтайтын қоймасы жоқ. Сондықтан, біз қазір өндіруші мен сатушы арасын делдалсыз жалғау жөнінде жұмыс жасап жатырмыз. Мемлекеттік субсидияға жылыжай салу, ірі қоймаларды тұрғызу әлі жалғасады. Кәсіпкерлер қазір инвестицияны агроөнеркәсіп кешеніне жұмсау керектігінде түсінді»,- деді Алматы қаласы ауыл шаруашылығы және ветеринарлық бақылау басқармасы басшысының орынбасары, Қарлығаш Әбдіжаппарова.

Фермерлер тұрмақ, әлеуметтік тамақ қорларын сақтайтын ірі корпорациялардың да өздеріне тиесілі қоймасы жоқ. Жалға алынады. Бұл да бар дүниенің бұқараға төмен бағамен келуіне кедергі келтіреді. Бағаның шарықтауын жою үшін өңірде азық-түлік белеуіде құрылған. Бұдан бөлек Алматыны қыстай қияр, қызанақпен қамту үшін алып жылыжай да салынған. Бірақ бұның бәрі сұранысты толық қамтуға әлі қауқарсыз.

Оқи отырыңыз

‡àãðóçêà...

Соңғы жаңалықтар