$ 449.58  486.94  4.86

Денсаулық сақтау министрлігінде ағза алмастырған науқастарды дәрімен қамту жайын талқылады

Соңғы 4-5 жылда ел медицинасында қарқынды дамып келе жатқан салалардың көшбасшысы деп трансплантацияны айта аламыз. Әсіресе Астана мен Алматыда, сондай-ақ, Шымкент қалаларында қазір ішкі ағзаларды соншалықты қиындықсыз алмастыра алатын дәрігерлер көбейді. Бұған дейін ағза алмастыру үшін қазақстандық науқастар шетелге баруға мәжбүр болса, қазір осынау күрделі операция өзімізде де жасала беретін болған.

Осы саланың дамуынан да болар, қазір елімізде бүйректен бастап жүрекке дейін алмастырған науқастар бар және олардың саны артып келеді. Алайда, мұндай жандарды толыққанды дәрі-дәрмекпен қамтамасыз ету мәселесі республикада әлі шешіле қоймапты. Сондықтан бүгін ҚР Денсаулық сақтау министрі Елжан Біртанов салаға жауапты мамандардың басын қосып, аталған мәселені дөңгелек үстелде талқылады.

Басқосуға сондай-ақ, Фармация комитетінің төрағасы Людмила Бюрабекова, «СҚ-Фармация» ЖШС басқарма төрағасының м.а. Асемгуль Ержанова, Дәрілік заттарды сараптау орталығы бас директорының бірінші орынбасары Арнур Нуртаев, Дәрілік заттарды ұтымды пайдалану орталығының басшысы Гульзира Жусупова, трансплантациялаудан кейін науқастардың мүддесін білдіретін қоғамдық ұйымдары қайраткерлері, сондай-ақ транспланттау, фармакология саласының мамандары, Денсаулық сақтау министрлігі және Бірыңғай дистрибьютердің қызметкерлері қатысты.

Дөңгелек үстел қазіргі уақытта қолданылатын дәрілік препараттың, денсаулыққа зиян келтірместен бірыңғай дистрибьютордың тендерлік нәтижесі бойынша сатып алынған Hetero Labs Limited компаниясы, Үндістан шығарған 250 мг капсулалы Mycophenolate Mofetil генерикалық препараттына ауысу мүмкіндігіне қатысты трансплантациядан кейінгі науқастардың күдіктеріне байланысты ұйымдастырылды.

Дөңгелек үстел барысында олармен қолданылатын дәрілік препараттан тендерлік нәтижесі бойынша сатып алынған препаратқа ауырпалықсыз ауысу мүмкіндігіне қатысты күдіктеріне байланысты ««Өмір Сыйы» трансплантациядан бұрын және кейінгі пациенттер қоғамы» РҚБ президенті Сандугаш Орынбаева, «Өмір тынысы» трансплантация жасатқан науқастарды оңалту бойынша ҚБ басшысы Жанибек Успанов  және «Сеним» Бүйрек мүшесін ауыстырған науқастар қоғамы» ҚБ басшысы Ержан Мухамадиев пікірлерін айтты.

Дөңгелек үстел барысында сатып алынған препараттардың тиімділігін растау туралы Дәрілік заттарды сараптау орталығы бас директорының бірінші орынбасары Арнур Нуртаев айтып берді. Оның айтуынша, келтірілген клиникалық зерттеулерге сәйкес, Микофенолат мофетил препаратының биоэквиваленттік көрсеткіші эталондық препаратпен сай келеді. «Түпнұсқа мен дженериктің арасындағы төзімділік пен қауіпсіздікте клиникалық айырмашылықтар байқалған жоқ. Көрсеткіштер осы генерик түпнұсқаға биоэквивалент екенін растайды».

Ол сондай-ақ, микофенол қышқылын генерациялау мүмкіндігін растайтын жеткілікті дәлелдер базасы жиналғанын айтты. «Микопенол қышқылының бірнеше зерттеулерінің деректері әсерді жоғалтпастан мүмкін болатындығын көрсетеді», - деді Арнур Нуртаев.

Талқылау барысында дәрігерлер мен фармакологтардың сатып алынған дженериктерді пайдалану туралы ұстанымдары тыңдалды.

Дөңгелек үстелді қорытындылай келе, Елжан Біртанов Денсаулық сақтау министрлігі мен Бірыңғай дистрибьютордың пайда болған мәселелерді талқылауға дайындығын атап өтті. «Біз әрқашан пациенттерге қарай басымдық береміз». Сонымен бірге, дженериктерді қолдану бүкіл дүние жүзінде және Қазақстанда кең ауқымды адамдар үшін қол жетімді және жоғары сапалы дәрілік препараттармен қамтамасыз ететін кешенді шешім болып табылады », - деді министр.

Талқылау қорытындысы бойынша оңтайлы шешім қабылдау үшін Денсаулық сақтау министрі Елжан Біртанов Фармация комитетіне, «СҚ-Фармацияға» және сарапшылар қауымдастығына мәселені терең талдауға, орын алған тәуекелдерді айқындауға  және қолданыстағы заңнама талаптарына толық сәйкестікте проблемаларды бірлесіп шешуге тапсырма берді, оны талқылау үшін ол бір аптадан кейін қатысушылардың сол құрамымен дөңгелек үстел өткізуді ұсынды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары