$ 444.22 € 476.38 ₽ 4.82
Оңтүстік Қазақстан облысының Ішкі істер департаменті Шымкент қаласы ішкі істер басқармасы Әл-Фараби аудандық полиция бөлімінің жертөлесінде орналасқан мұрағат бөлмесінде шартты өртті сөндіру бойынша өрт-тактикалық оқу-жаттығу өтті.
Іс-шараға Шымкент қаласының өртке қарсы қызмет гарнизонының қызметкерлері, «Жедел-құтқару жасағы» мемлекеттік мекемесі, «Апаттар медицинасы орталығының» мемлекеттік мекемесінің қызметкерлері жұмылдырылды. Сонымен қатар, өзара әрекет ету нұсқаулығына сәйкес, коммуналдық қызметтер және жедел медициналық жәрдем, Әл-Фараби аудандық полиция бөлімінің мамандары да тартылған.
«Жаттығу кезінде қою түтіннен көру мүмкіндігі шектелген жағдайда құтқару жұмыстарын жүргізу, газ-түтіннен қорғау, қызметкерлерді көшіру практикалық әдістері пысықталды. Өрт сөндірушілер шартты өртте бірнеше бағытта барлау жүргізді. Жедел-құтқару жасағының кинологтары адамдарды іздестіріп, құтқарушылар жоғарғы қабатта қалып қойған азаматтарды көшірді. Өрт сөндірушілер 2 жауынгерлік аумақта жұмыс атқарды», - делінген мақалада.
ОҚО ІІД Шымкент қаласы ішкі істер басқармасы Әл-Фараби аудандық полиция бөлімінің жертөлесінде орналасқан мұрағат бөлмесіндегі шартты өртті сөндіру бойынша өрт-тактикалық оқу-жаттығу кезінде жеке құрамға берілген жауынгерлік тапсырмаларды орындау барысында олардың жұмыстары жоғары бағаланды. Мұндай шаралар жасөспірімдер мен балалар арасында құқық бұзушылықтың алдын алу мақсатында өте маңызды болып табылады.
Айта кетейік, өңірде құқық қорғау, азаматтардың құқықтық сауаттылығын арттыру саласында, жасөспірімдер мен балалар арасында құқық бұзушылықтың алдын алу бағытында көптеген шаралар атқарылуда.
