Әлеумет 28.08.2015 сағат 04:55

Түркістан мен Кентауда жаңа индустриалды нысандар бой көтеруде

Индустриаландыру бағдарламасы аясында Түркістан мен Кентау қалаларында жаңа 15 нысан іске қосылады. 

Бөлісу
Бөлісу
Бөлісу

Жуырда тағайындалған ОҚО әкімі Бейбіт Атамқұлов аталған өңірлерге жасаған сапары барысында  индустриалды аймақтарға арнайы келді.

«Түркістан қаласындағы индустриалды аймаққа ат басын бұрған өңір басшысы, атқарылып жатқан жұмыстармен танысты. Бұған дейін бірнеше рет сынға іліккен нысан жұмысын тексерген Бейбіт Бәкірұлы оған оң баға беріп отыр. Жалпы аумағы 40 гектарды құрайтын аймақта барлығы 8 кәсіпорын бой көтереді. Жыл соңына дейін олардың екеуінің құырылысы аяқталса, тағы үшеуінің іргетасы қаланады. Зауыттардың барлығы дерлік құрылыс материалдарын шығарумен айналысады. Аталған кәсіпорындар 335 жуық адамды жұмыспен қамтып отыр», -  деп көрсетілген ОҚО әкімдігінің баспасөз қызметі таратқан хабарламада.

Сондай-ақ, облыс әкімі құрылыс жұмыстарының мезгілінен ауытқымай, уақытылы аяқталуы үшін жергілікті билік өкілдеріне нақты тапсырмалар берді.

Мұнан кейін Б.Бәкірұлы Кентаудағы индустриалды аймақта болып, атқарылып жатқан жұмыстармен танысты. Жалпы аумағы 25 гектарды құрайтын нысанда 7 жоба жүзеге асырылады. Олардың үшеуі қаладағы трансфарматор зауытына қажетті қосалқы бөлшектерді шығарумен айналыспақ. Жобаларды іске асыру үшін барлығы 2 млрд 127 млн теңге инвестиция тартылады және 165 жаңа жұмыс орны ашылмақ. Сондай-ақ, индустриалды аймақ қажетті инфрақұрылымның барлығымен қамтылады.

Сапар соңында өңір басшысы аталған индустриалды аймақтарды жаңа кәсіпорындармен толықтыру үшін Түркістан мен Кентау әкімдеріне инвесторлар тартуды тапсырды.

Еске сала кетейік, Бейбіт Атамқұлов жуырда ғана мемлекет басшысы Нұрсұлтан Назарбаевтың жарлығымен Оңтүстік Қазақстан облысының әкімі болып тағайындалған болатын. Ол бұған дейін Инвестициялар және даму министрлігінің жауапты хатшысы лауазымында қызмет жасаған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар