Ауыл шаруашылығына бөлінетін субсидия көлемі 2020 жылға дейін 5 есеге артатын болады. Бұл туралы ҚР Ауыл шаруашылығы министрі Асылжан Мамытбеков мәлімдеді деп жазады ҚазАқпарат.
«Ауыл шаруашылығы субсидия алатын болады. Тіпті, субсидияны қазіргі уақыттан да артығымен алады. Біздің 2020 жылға дейінгі салалық бағдарламамызда көрсетілгендей, мемлекеттік қолдау көлемі 2020 жылға қарай 2013 жылғы деңгеймен салыстырғанда шамамен 5 есе артады. Бұл амал өзгертілмейді. Бұған қоса, мемлекеттік қолдаудың көлемі арттырыла түсуі де мүмкін. Бірақ, Үкімет, мемлекет салаға мол қаржы бөлуі үшін біздер бөлінген қаржының тиімділігін көрсетуге тиіспіз», - деп атап өтті министр өз сөзінде.