Әлеумет 28.05.2019 сағат 22:50

Шымкент: Шағынаудан тұрғындары сапалы электр жарығын тұтынады

Сәтін салса, “Самал 3” шағынауданының тұрғындары жыл соңына дейін сапалы электр жарығына қол жеткізбек. Бұл мақсатқа қала қазынасынан 2 миллиард 100 миллион теңге қаражат бөлініп, шағынаудандағы 3816 тұтынушыға электр желілері тартылып, есептегіш құралдары қойылады. Жылдар бойы сапалы электр энергиясына қол жеткізе алмаған мұндағы халықтың қуанышы қойнына сымай жүр.
Шымкент: Шағынаудан тұрғындары сапалы электр жарығын тұтынады
Бөлісу
Бөлісу
Бөлісу

Бюджеттен бөлінген 2 миллиард теңгеден астам қаражатты игеруге кіріскен мердігерлер “Самал 3” шағынауданының көшелеріне қаз-қатар бағаналар орнатып жатыр. Айтуларынша, орнатылуы тиіс 4 мыңнан астам бағананың басым бөлігін қойып үлгерген. Енді желі тартылады, жылдың соңына дейін жоспарланған 26 трансформатор мен екі тоқ ажыратқыш бекет салынып, тұтынушылар сапалы жарық алатын болады.

“Самал 3” шағынауданына алғашқы қоныстану осыдан 17 жыл бұрын басталған. Амалдап күнелтуді көздеген жұртшылық жеке трансформаторға тәуелді болып, бағананы өздері орнатыпты. Есесіне мұндағы тариф үш есе қымбат, жалпылдап жиі сөнетін жарықтың әр киловатына 24 теңгеден төлеп келген.

Сала мамандарының айтуынша, биыл қала аумағындағы электр тапшылығын көріп отырған 9 елді мекенге жарық жүйесін жүргізу жұмысы басталмақ. Ауқымды бағдарламаны іске асыру үшін бюджеттен 8 миллиард теңге қаралған. “Шапырашты”, “Достық “секілді шалғай шағынаудандар осы бағдарлама арқылы сапалы жарықпен қамтамасыз етілетін болады» дейді қалалық энергетика және коммуналдық шаруашылық басқармасы басшысының орынбасары Нұрлан Жаманкөзов.

Бүгінгі таңда осы шағанаудандарға сапалы электр жарығын тарту үшін жобалық-сметалық құжаттама толық рәсімделген. Енді тек техникалық бақылаушы мекеме анықталса болды.

«SN.kz»-ақпарат.

Оқи отырыңыз

загрузка...

Соңғы жаңалықтар

Қызықты материалдар