17 мың шымкенттік азамат мемқызметтерді Telegram арқылы алған

«Азаматтарға арналған үкімет» мемлекеттік корпорациясының Шымкент қаласы бойынша филиалының баспасөз қызметі Алтынай Татаеваның айтуынша, бүгінде миллионнан аса тұрғыны бар шаһар халқы үшін боттағы қызметтер мен сервистер саны 25-ке жеткен. Оны қолданушылар жақын жердегі ХҚО-да кезек брондап, өзін борышкерлер тізімінен тексере алады. Тұрғындарға қажетті деген наркологиялық, психоневрологиялық, туберкулезге қарсы диспансерлер есебінде тұрмауы жөніндегі анықтамалар да орталықтардан беріліп, дәрігер қабылдауына онлайн түрінде жазылуға мүмкіндік жасалған. Бот арқылы анықтамаларды бір минуттың ішінде алып, керекті электрондық поштаға жолдауға да болады.

«Тұрғындарға қажетті анықтамаларды ХҚО-ға бармай-ақ алуға болады. EgovKzBot Telegram-ботының тұрақты пайдаланушысы болу үшін азаматтар тек бір рет мобильдік азаматтар базасында тіркелуі қажет. Мұны egov.kz электронды үкімет порталының жеке кабинетінде немесе кез келген ХҚО-да жасауға болады»,- дейді Алтынай Татаева.

«SN.kz» - ақпарат»