«Кейбір қыздар бетімен кеткен, ұятсыз»: дәрігер әлеуметтік желіде дабыл қақты

 Instagram желісіндегі v.aktau парақшасында дәрігер аноним түрде қызметінің қиын тұстарын, кадр жетіспеушілігін және емделушілердің дөрекі қарым-қатынасы жайлы аноним түрде айтып берді, - деп хабарлайды инАқтау-ға сілтеме жасап Tengrinews.kz.  

"Мен бір күн сайын жұмыс істеймін, себебі маман жетіспейді. Шыны керек, қатты шаршаймыз. Біздің де отбасымыз, бала-шағамыз бар. Соңғы рет қашан киноға барғаным да есімде жоқ. Балалар өз бетімен өсіп жатыр", - дейді дәрігер.  Дәрігердің айтуынша, олар күніне 200 адамды қабылдайды. Оның арасында дөрекі сөйлесетіндері де бар көрінеді. 

 "Емделушілер өте дөрекі сөйлеседі. Кейбір қыздар бетімен кеткен, ұятсыз. Ал "жоғарыдағылар" Құдай секілді. Оларға саяжай не ауруханада скрининг-орталығын жасап қойған.  Интернетте бізді ақымақ, дөрекі деп айыптап, емдеу қолдарынан келмейді деп жатады. Ал өздерің қандайсыңдар? Біз сендерге қызмет көрсетуіміз керек пе, әлде көмектесуіміз қажет пе? Емдеуіміз керек пе, әлде күліп тұруымыз керек пе? Ойлануымызға бола ма? Бізге жай ғана өмір сүруге бола ма? Қазір ақылдылар "бұл - сендердің жұмыстарың" деуі мүмкін. Кешіріңіздер, бірақ мұндай "аурулармен" ешқандай аттың да қажеті жоқ", - деген екен дәрігер. 

 Аноним түрде ойын бөліскен маман дәрігерлерге түсіністікпен қарауды сұрады.