Қуандық Рахымның «Мен қазақпын!» әнін хормен орындаған оқушылар желіні шулатты (ВИДЕО)

Челленджді оқушылар «Жебе» және «Қағандық» қоғамдық бірлестігінен қабыл алған.

Павлодар қаласының орта мектептері арасында еліміздің Тәуелсіздік мерекесіне орай ерекше челлендж бастады, деп хабарлайды ҚазАқпарат.

Абзал Қабдраш есімді азамат Facebook парақшасында жарияланған видеодан мектеп оқушыларының елімізде хитке айналған Қуандық Рақымның «Мен қазақпын» әнін қосыла шырқағанын тыңдауға болады.

«Павлодар қаласының №25 жалпы орта білім беру мектебі Тәуелсіздік мерекесіне арналған челленджді «Жебе» және «Қағандық» қоғамдық бірлестігінен қабыл алып, №19 жалпы орта білім беру мектебіне жолдайды», - деді оқушылар әнді шырқамастан бұрын мектеп ұстаздарының бірі.