Әлеумет 20.03.2020 сағат 23:30

«Алматыда елдер құлап жатыр»: көшеде адамдардың талып қалғанына қатысты түсініктеме берілді (ВИДЕО)

Полиция департаменті біле тұра, жалған ақпарат таратқандар қылмыстық жауапкершілікке тартылатынын, төтенше жағдай кезінде сол әрекеті үшін 3 жылдан 7 жылға дейін бас бостандығын шектеу немесе осы мерзімге бас бостандығынан айыру жазасына кесілетінін ескертті.
Бөлісу
Бөлісу
Бөлісу

Әлеуметтік желіде Алматыда түсірілген бірнеше видео тарады. Онда коронавирус салдарынан көшеде адамдардың есінен танып жатқаны айтылады. Қалалық Полиция департаменті ол оқиғалардың коронавирус инфекциясына қатысы жоқ екенін, видеода айтылған ақпараттың шындыққа жанаспайтынын мәлімдеді, деп хабарлайды Sputnik.

Бейнероликтердің бірінде жолаушының көшеде құлап қалып, бір топ адамның автобус маңында жиналып тұрған сәті көрініс тапқан.

«Қоғамдық көліктің бірінде жолаушының жағдайы күрт нашарлап кеткен. Ол адамның қояншығы (эпилепсия) ұстаған. Автобустан түсіріліп, жедел жәрдем шақырылған. Сондықтан қалада адамдар есінен танып жатыр деген – жалған ақпарат», - деді Полиция департаментінің өкілдері.

Сонымен қатар, көшеде құлап жатқан ер адамның жанында полиция қызметкерінің жүргені видеоға түсіп қалған.

«102 нөміріне мас адамның жол бойында жатқаны туралы қоңырау келіп түсті. Учаскелік инспектор ақпаратты растады. Ер адамға алғашқы медициналық көмек көрсетілді» делінген ақпаратта.

Тағы бір жағдай желі қолданушыларының арасында кең талқыға түсті. Гоголь мен Мұратбаев көшелерінің қиылысында троллейбус жаяу жүргіншіні басып кеткен. Ол дене жарақатын алған, іс бойынша тергеу жұмыстары басталды. Полиция бұл оқиғаның да коронавирус инфекциясына қатысы жоқ екенін айтты.

Полиция департаменті біле тұра, жалған ақпарат таратқандар қылмыстық жауапкершілікке тартылатынын, төтенше жағдай кезінде сол әрекеті үшін 3 жылдан 7 жылға дейін бас бостандығын шектеу немесе осы мерзімге бас бостандығынан айыру жазасына кесілетінін ескертті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар